"Manchester Yunayted" futbolchilarining hammasi ham bosh murabbiy Erik ten Xagdan mamnun emas.

Mutaxassis mavsumni ishonchsiz boshlagani uchun terma jamoalar tanaffusi tugaguniga qadar ishini yo‘qotish xavfi bor. Mail Sport xabariga ko‘ra, o‘yinchilar orasida ten Xagning o‘yin usulidan norozilar ham bor: ularning ba’zilari murabbiyni rotasiyaga juda qiziqadi, deb hisoblashadi. Jurnalistlar bilan suhbatda bosh murabbiy tarkibdagi o‘zgarishlarni o‘yinchilarning charchoqlari bilan izohlaydi, ammo bu har doim ham rost emas. Ko‘p futbolchilar tezroq optimal shaklga kirish uchun tez-tez o‘ynashni afzal ko‘rishadi.

"Manchester Yunayted" navbatdagi uchrashuvida "Brentford"ni qabul qiladi. Uchrashuv 19 oktyabr kuni bo‘lib o‘tadi.