Xitoyning Shanxay shahrida tennis bo‘yicha "Masters" seriyasiga kiruvchi nufuzli turnir davom etmoqda.
Kutilmaganda dunyoning ikkinchi raketkasi Karlos Alkaraz musobaqaning 1/4 finalida ATP reytingida 33-o‘rinni egallab turgan chexiyalik Tomash Maxachga 6/7(5), 5/7 hisobida imkoniyatni boy berib qo‘ydi.
Maxach tennischilarning o‘zaro uchrashuvlaridagi hisob muvozanatini ham tiklashga muvaffaq bo‘ldi - 1:1.
Bir soatu 55 daqiqa davom etgan bahsda Alkaraz 8, Maxach 5 ta eys zarbasini amalga oshirgan. Qo‘shxatolar ham, breyklar ham bir xil ko‘rinishda 23 yoshli Tomashda ko‘proq bo‘ldi - 2:1! Endi chexiyalik tennischi Shanghai Masters 1/2 finalida dunyoning birinchi raketkasi, italiyalik Yannik Sinnerga qarshi kortga chiqadi.
