Хитойнинг Шанхай шаҳрида теннис бўйича "Мастерс" сериясига кирувчи нуфузли турнир давом этмоқда.
Кутилмаганда дунёнинг иккинчи ракеткаси Карлос Алькараз мусобақанинг 1/4 финалида ATP рейтингида 33-ўринни эгаллаб турган чехиялик Томаш Махачга 6/7(5), 5/7 ҳисобида имкониятни бой бериб қўйди.
Махач теннисчиларнинг ўзаро учрашувларидаги ҳисоб мувозанатини ҳам тиклашга муваффақ бўлди - 1:1.
Бир соату 55 дақиқа давом этган баҳсда Алькараз 8, Махач 5 та эйс зарбасини амалга оширган. Қўшхатолар ҳам, брейклар ҳам бир хил кўринишда 23 ёшли Томашда кўпроқ бўлди - 2:1! Энди чехиялик теннисчи Shanghai Masters 1/2 финалида дунёнинг биринчи ракеткаси, италиялик Янник Синнерга қарши кортга чиқади.
