Superligada 14-turdan o‘rin olgan qoldirilgan o‘yin bo‘lib o‘tdi. Unda "Navbahor" jamoasi "Dinamo" bilan kuch sinashdi va 1:0 hisobida g‘alaba qozondi. Bellashuvdan so‘ng jamoa bosh murabbiyi Sergey Lushchan matbuot anjumanida ishtirok etdi.
Bugun g‘alaba qozondik. O‘yindan qoniqdim. G‘alabaga haqli edik va buni uddaladik. Samarqand klubini o‘rgangan edik va markazni yopib tashladik.
"Navbahor" bugun juda sovuqqon ko‘rindi, finalda esa jamoa yonib ketgandek tuyulgan edi.
Biz finalni unutdik v ishlashda davom etamiz.
"Navbahor"da finaldagi mag‘lubiyatdan so‘ng katta o‘zgarishlar bo‘lishi haqida mish-mishlar yuribdi?
Bilasizmi, dunyo mish-mishga to‘la. Bu gap-so‘zlar biz ish boshlayotgan paytda boshlangan. Bizga kubokda finalgacha borish kerakligi haqida aytishgan edi va buni uddaladik. Bugungi uchrashuvda 12 ta mahalliy futbolchi maydonga tushdi va bu o‘zgarishlar boshlanganidan dalolat. Rahbariyat tomondan tarkibni yangilash va 80 foiz mahalliy futbolchilar to‘p surishi kerakligi vazifa qo‘yildi. Bu mish-mish emas. Hozir ko‘plab jamoalar tarkibni yoshartirish bilan shug‘ullanmoqda. Ular kelajakda liderlarga aylanadi degan umidimiz bor. Bugun 4 ta avval hech qayerda ko‘rinmagan futbolchilarga imkon berildi. Iqtidorli yigitlar. Ular berilgan vazifani to‘liq uddaladi.
