"Real Madrid" yuqori darajadagi transferga tayyorlanmoqda. 39 yoshli Luka Modrich mavsum yakunida, amaldagi shartnomasi tugagach, klubni tark etishi mumkin va "Los-Blankos" rahbariyati xorvatiyalik yulduzni uzoq muddatga almashtirish haqida allaqachon o‘ylamoqda.
Diario AS xabariga ko‘ra, Modrichning potensial vorisi sifatida Leverkuzenning "Bayer" klubidan 21 yoshli Florian Virsni ko‘rmoqda. "Real Madrid" vakillari yosh nemis yulduzi bilan shartnoma imzolash bo‘yicha "maxfiy" ish olib borishmoqda.
Transfermarkt portali ma’lumotlariga ko‘ra, Virsning narxi 130 million yevroni tashkil qiladi. Futbolchining "Bayer" bilan shartnomasi 2027 yilning yoziga qadar mo‘ljallangan.