"Реал Мадрид" юқори даражадаги трансферга тайёрланмоқда. 39 ёшли Лука Модрич мавсум якунида, амалдаги шартномаси тугагач, клубни тарк этиши мумкин ва "Лос-Бланкос" раҳбарияти хорватиялик юлдузни узоқ муддатга алмаштириш ҳақида аллақачон ўйламоқда.
Diario AS хабарига кўра, Модричнинг потенциал вориси сифатида Леверкузеннинг "Байер" клубидан 21 ёшли Флориан Вирцни кўрмоқда. "Реал Мадрид" вакиллари ёш немис юлдузи билан шартнома имзолаш бўйича "махфий" иш олиб боришмоқда.
Transfermarkt портали маълумотларига кўра, Вирцнинг нархи 130 миллион еврони ташкил қилади. Футболчининг "Байер" билан шартномаси 2027 йилнинг ёзига қадар мўлжалланган.