Ander Errera Marselo Byelsa haqida gapirdi.
Argentinalik murabbiy 2011 yildan 2013 yilgacha “Atletik”da ishlagan. Byelsa qo‘l ostida klub Yevropa ligasi va Ispaniya kubogi finaliga chiqdi, biroq har ikkala o‘yinda ham mag‘lub bo‘ldi.
"Men butun umrim davomida Marselodan minnatdorman. Biz o‘yinga borimizni to‘liq berdik, murabbiy aytganini qildik.
Byelsa kelishi bilan biz mutlaqo rok-n-roll futbolini o‘ynay boshladik. Har bir futbolchi o‘z raqibi bilan birga harakat qildi, maydonning yarmida raqibga pressing qildi.
Marselo juda yosh jamoani qabul qildi, unda ko‘pchilik futbol uchun yashagan. U mutlaqo o‘zgacha jamoa topish baxtiga muyassar bo‘ldi, biz ham unga ega bo‘lganimizdan juda baxtiyormiz", - dedi “Atletik” yarim himoyachisi Errera.
