O‘FAda “FIFA Iqtidorli murabbiylari” loyihasi doirasida yurtimizda doimiy tarzda faoliyat olib boruvchi mutaxassisni tayinlash masalasida uchrashuv o‘tkazildi.
Unda O‘FA birinchi vise-prezidenti Ravshan Irmatov, bosh kotib Avaz Maksumov, O‘FA texnik direktori Gi Kiala, FIFA texnik departamenti bosh mutaxassisi Mishel Sablon va “FIFA Iqtidorli murabbiylari” loyihasi mutaxassisi Lars Hopplar ishtirok etishdi.
Ushbu loyiha doirasida doimiy faoliyat olib boruvchi mutaxassisning oldiga qo‘yiladigan vazifalar eshittirildi.
Xususan, hududiy futbol akademiyalarini doimiy qo‘llab-quvvatlab borishi, iqtidorlarni rivojlantirish sxemasini ishlab chiqishi, "skauting" faoliyati bilan shug‘ullanishi hamda murabbiylar ta’lim tizimini yanada takomillashtirish kabi yo‘nalishlarni nazorat qiladi.
Ushbu muhim vazifalarni sifatli nazorat qila oladigan nomzod FIFA tomonidan tavsiya etiladi.
“FIFA Iqtidorli murabbiylari” loyihasi koordinatori bevosita “Milliy futbol markazi” da faoliyat olib borishi rejalashtirilgan.
Shuni ta’kidlash kerakki, o‘zbek futbolida ilk bor FIFA mutaxassislari doimiy asosda yurtimizda ish olib borishi, xalqaro tajribani tatbiq etishi futbolimiz rivoji yo‘lida tashlangan yana bir muhim qadam bo‘ladi.
