"Real Madrid" qachon va qanday qilib jamoani kuchaytirish haqida o‘ylamoqda.
Jarohatlar bilan bog‘liq og‘ir vaziyat - ayniqsa himoyada - "Qirollik klubi"ni yanvardagi xaridlar haqida jiddiy o‘ylashga majbur qilmoqda. Jurnalist Xorxe Pikonning yozishicha, bosh murabbiy Karlo Anchelotti "Real Madrid" qishki transfer oynasida shartnoma imzolashi kerak, deb hisoblaydi, Madrid rahbariyati esa yozgi kelishuvlarga tayanishni afzal ko‘radi.
Manba ta’kidlaganidek, agar "Real" yanvarda kimnidir taklif qilishga qaror qilsa, u holda gap to‘liq transferlar haqida emas, balki ijara haqida bo‘ladi.
