Kelasi yozda erkin agentga aylanishi kutilayotgan «Lill» hujumchisi Jonatan Devid uchun bir qator klublar kurash olib boradi. Vaziyatdan kelib chiqqan holda, «itlar» futbolchini keyinchalik tekinga yo‘qotmaslik uchun qishda sotishlari foydali bo‘lishi mumkin.

Jurnalist Matteo Morettoning ijtimoiy tarmoqlarda xabar berishicha, «Barselona» 24 yoshli Devidning ahvolini diqqat bilan kuzatib bormoqda. Shu bilan birga, kataloniyaliklar hozircha to‘g‘ridan-to‘g‘ri aloqalarni boshlamagan.

Ayni paytda Devidga «Inter» va «Yuventus» hamda Angliya Premyer-ligasi klublari qiziqish bildirmoqda.