"Brentford" bosh murabbiyi Tomas Frank "Manchester Yunayted"ga qarshi o‘yindan nimani kutayotgani haqida gapirdi.
Shanba kuni "Old Trafford"da APLning sakkizinchi turidan o‘rin olgan uchrashuv bo‘lib o‘tadi. Start hushtagi Toshkent vaqti bilan 19:00 da yangraydi.
"Qizil iblislar" hozirda eng yaxshi formada emas, va mish-mishlarga ko‘ra, agar mag‘lubiyat bo‘lsa, bosh murabbiy Erik ten Xag iste’foga chiqariladi. Biroq Frank o‘yindan oldingi rejalarga ortiqcha e’tibor bermaslikka chaqirmoqda.
"Faoliyatim davomida bunga tez-tez duch kelganman: ketma-ket uch o‘yinda mag‘lub bo‘lgan jamoa biz bilan ajoyib o‘yin ko‘rsatadi. Yoki, aksincha, biz ketma-ket besh uchrashuvda g‘alaba qozongan raqibga duch kelamiz-u, ammo uni yengamiz."", — deya ta’kidlaydi "asalarilar" bosh murabbiyi Tomas Frank.
