O‘tgan haftada “Real” va Fransiya terma jamoasi hujumchisi Kilian Mbappe bo‘sh vaqtini Shvesiyada o‘tkazdi. Xabar berilishicha, Mbappe bu mamlakatda bo‘lganida taxminan 150 ming yevro sarflagan.
Manbaning qayd etishicha, futbolchi stol tennisi o‘ynash uchun alohida xona uchun 43 ming yevro to‘lagan. Aytish joizki, Mbappening Shvesiyaga tashrifidan so‘ng yulduz futbolchiga nisbatan zo‘rlashda ayblanayotgani haqida ma’lumotlar paydo bo‘ldi.
Ayni damda Kilian Mbappe va “Real”ning boshqa futbolchilari “Selta”ga qarshi safar uchrashuviga hozirlik ko‘rishmoqda. Jamoalar 19 oktyabr, shanba kuni maydonga tushadi.
