«Manchester Siti» bosh murabbiyi Pep Gvardiola kelajagi haqida fikr bildirdi. Ispaniyalik mutaxassisning so‘zlariga ko‘ra, klub unga qaror qabul qilish uchun muddat belgilamagan. Gvardiolaning amaldagi shartnomasi 2025 yilning o‘rtalariga qadar mo‘ljallangan.
«Klub qarorimni qachon eshitishni xohlashini aytishmadi. Ammo ishonchim komilki, agar men ketsam, «Manchester Siti» uning o‘rnimga o‘rinbosar qidirmoqda. Ertami-kechmi bu sodir bo‘ladi va klub tayyor bo‘lishi kerak. Bu ajablanarli bo‘lmasligi kerak.
Men hamma narsa klub uchun imkon qadar yaxshi bo‘lishiga ishonch hosil qilmoqchiman. «Manchester Siti»ga muammo tug‘diradi deb o‘ylasam, hech qanday harakatni kechiktirmayman. Agar klub voris haqidagi fikrimni so‘rasa, men buni bildiraman. Lekin bu mening qarorim bo‘lmaydi”, - dedi Gvardiola jurnalistlarga.
