Paulo Fonseka "Udineze" ustidan qozonilgan g‘alabadan so‘ng (1:0) milanlik futbolchilarning ruhiyatiga yuqori baho berdi.

"Uchrashuv ikki qismdan iborat bo‘lib, birinchisi qizil kartochkagacha 30 daqiqa davom etdi. Biz yarim soat sifatli o‘ynadik va kuchli jamoaga qarshi xarakter ko‘rsatdik, bu men "Milan"da ko‘rishni xohlagan narsaga yaqin holat edi.

Shundan so‘ng biz jamoaviy ruh ko‘rsatdik, chidashimiz kerak edi. Agar bu jamoaning jipsligiga shubha qilsangiz, bugun biz birdamlikni namoyish qildik. Men uchun bu eng muhimi, har bir futbolchidan juda xursandman.

Zaxira o‘yinida maydonga tushganlar jamoaga hal qiluvchi ta’sir ko‘rsatdi", – dedi Fonseka.