«Manchester Siti» mavsum boshidan beri APLda birorta o‘yinda mag‘lub bo‘lmadi.
Pep Gvardiola shogirdlari 8-tur uchrashuvida «Vulverxempton»ni mehmonda mag‘lub etishdi (2:1). Ikkinchi bo‘limga qo‘shib berilgan 5-daqiqada Jon Stouns g‘alaba to‘pini kiritdi.
APLning joriy mavsumida «Manchester Siti» birorta ham mag‘lubiyat alamini totib ko‘rmadi, 6 uchrashuvda g‘alaba qozondi va ikki bor durang o‘ynadi – «Arsenal» (2:2) va «Nyukasl» (1:1). «Sharharliklar» 20 ochko bilan APLda peshqadamlik qilmoqda - «Liverpul» «Chelsi» bilan o‘yin oldidan 2 ochko ortda qolayotgandi.
Bundan tashqari, «Man Siti» barcha musobaqalarda mavsumdagi 12 o‘yindan bittasida ham mag‘lub bo‘lmadi: 9 ta g‘alaba (jumladan, Angliya Superkubogida «Manchester Yunayted» ustidan penaltilar seriyasida) va 3 ta durang.
