«Манчестер Сити» мавсум бошидан бери АПЛда бирорта ўйинда мағлуб бўлмади.

Пеп Гвардиола шогирдлари 8-тур учрашувида «Вулверхэмптон»ни меҳмонда мағлуб этишди (2:1). Иккинчи бўлимга қўшиб берилган 5-дақиқада Жон Стоунс ғалаба тўпини киритди.

АПЛнинг жорий мавсумида «Манчестер Сити» бирорта ҳам мағлубият аламини тотиб кўрмади, 6 учрашувда ғалаба қозонди ва икки бор дуранг ўйнади – «Арсенал» (2:2) ва «Ньюкасл» (1:1). «Шарҳарликлар» 20 очко билан АПЛда пешқадамлик қилмоқда - «Ливерпуль» «Челси» билан ўйин олдидан 2 очко ортда қолаётганди.

Бундан ташқари, «Ман Сити» барча мусобақаларда мавсумдаги 12 ўйиндан биттасида ҳам мағлуб бўлмади: 9 та ғалаба (жумладан, Англия Суперкубогида «Манчестер Юнайтед» устидан пенальтилар сериясида) ва 3 та дуранг.