«Интер» марказий ҳимоячиси Алессандро Бастони фаолиятини «Барселона»да давом эттириши мумкин. Бу ҳақда журналист Экрем Конур хабар бермоқда.

Манбанинг маълумотларига кўра, 26 ёшли италиялик футболчи агар молиявий шартлар уни қониқтирса, Каталония клубига ўтишга тайёр. «Барселона» спорт директори Деку ва жамоа бош мураббийи Ханс-Дитер Флик Бастонини ҳимоя чизиғини кучайтириш учун устувор вариант деб ҳисоблашмоқда. Трансфер суммаси 80–100 миллион еврони ташкил этиши мумкин.

Жорий мавсумда Бастони барча турнирларни ҳисобга олганда 35 та ўйинда майдонга тушди, ўз ҳисобига иккита гол ва олтита голли узатмани ёздириб қўйди.