Мадриднинг «Реал» клуби бош мураббийи Альваро Арбелоа Ла Лиганинг 28-туридан ўрин олган «Эльче»га қарши ўйинда Арда Гюлер томонидан урилган ажойиб голга изоҳ берди.
Мадрид клубининг ёш ярим ҳимоячиси учрашувнинг энг ёрқин вазиятларидан бирида фаол иштирок этди. Гюлер деярли ўз майдони томонидан йўллаган зарбаси билан рақиб дарвозасини ишғол қилди — тўп тахминан 68 метр масофадан дарвозага бориб тушди.
Ўйиндан сўнг «қаймоқранглилар» устози ушбу вазият баҳснинг ҳақиқий безагига айланганини тан олди.
«Атрофдаги ҳамманинг ўз кўзларига ишонмай, қўлларини кўтарганини кўрдим. Тахминан 70 метрлардан бундай гол уриш — бу шунчаки ақл бовар қилмас ҳолат. Бундай голлар учун стадионга чипта сотиб олиш арзийди», — дея таъкидлади Арбелоа.
Учрашув 15 мартга ўтар кечаси «Сантьяго Бернабеу» стадионида бўлиб ўтди. Мадрид клуби ўйинни ишончли ғалаба — 4:1 ҳисоби билан якунлашга муваффақ бўлди.
