Мадриднинг «Реал» клуби бош мураббийи Альваро Арбелоа ҳужумчи Килиан Мбаппенинг ҳолати ҳақида ўз фикрларини билдирди.

Шанба куни франциялик футболчи жароҳати сабабли навбатдаги ўйинни ўтказиб юборди. «Қаймоқранглилар» ўзларининг энг яхши тўпурарисиз ҳам «Эльче» тўсиғидан муваффақиятли ўтишди — 4:1.

«Бизга Мбаппе керак. У қайтганидан кейин ҳам ҳозир гол ураётган футболчилар сермаҳсулликни давом эттиришлари муҳим. Биз бу ёндашувни Мбаппе таркибда бўлган вақтда ҳам сақлаб қолишимиз лозим.

Эртага машғулот жараёнида Килианнинг ҳолатини баҳолаймиз. Мен у билан гаплашиб кўраман ва ўзини қандай ҳис қилаётганини билиб оламан», — дея Madrid Universal Арбелоанинг сўзларини келтиради.