Aleksandr Mostovoy murabbiylik faoliyatini boshlashga qaror qildi va yaqin kelajakda u amaliyot o‘tashi kerak.
"Spartak"dagi amaliyot natija bermadi - Moskva klubi Mostovoyni rad etdi. Ammo "Alaves" o‘zining sobiq futbolchisini kutib olishga tayyor.
Bu haqda ispan klubi sport direktori Serxio Fernandes gapirdi.
"Biz Aleksandr Mostovoyni klubimizga amaliyot o‘tashga taklif qilishga tayyormiz. U bizga kelib, asosiy jamoamiz va akademiyamizning mashg‘ulot uslublarini tahlil qiladi, bu biz uchun muammo bo‘lmaydi", - deya Fernandesdan iqtibos keltiradi "Sport-Ekspress".
