Elit OCHL doirasidagi "Ash-SHorta"ga qarshi o‘yindan keyingi (0:0) matbuot anjumanida "Paxtakor" bosh murabbiyi Kamoliddin Tojiyev bellashuv haqida fikrlarini bildirdi.

"Biz qiyin o‘yin o‘tkazdik. Bu yerga yetib kelishga ko‘p vaqt sarfladik. Maydonning holati ham kombinasion futbol o‘ynashni qiyinlashtirdi. Ikkinchi bo‘limda charchoq sezildi. Shunga qaramay, oxirigacha kurashgan yigitlarga rahmat aytaman. Darvozamiz daxlsizligini saqlab qoldik. Yaxshiroq o‘ynaganimizda g‘alaba qozonishimiz mumkin edi, ammo charchoq ta’sir ko‘rsatdi. Oldimizda navbatdagi o‘yinlar bor. Ularda g‘alaba qozonishga urinib, keyingi bosqichga chiqish uchun kurashni davom ettiramiz", - dedi "sherlar" ustozi.