"Milan" bosh murabbiyi Paulo Fonseka "Bryugge"ga qarshi Chempionlar ligasi bahsining 60-daqiqasida Rafael Leauni almashtirish qarori haqidagi savolga javob berdi.
Portugaliyalik forvard hisob 1:1 bo‘lib turganida Samuel Chukvuyezega o‘z o‘rnini bo‘shatib berdi. Oradan ko‘p o‘tmay, “rossonerilar” ikkita gol urishdi, ikkala gol ham Tijani Reynders tomonidan kiritildi.
Uchrashuv 3:1 hisobida yakunlandi.
"Leau bilan hech qanday muammom yo‘q. Uni almashtirish jazo emas, bizga faqat Chukvuyeze va Okafor kerak edi.
Buni odatdagidek qabul qilish kerak, shu jumladan, boshqalar kabi jamoa manfaati uchun ishlashi kerak bo‘lgan Leuning o‘zi ham buni to‘g‘ri tushunishi kerak", - dedi Fonseka o‘yindan keyingi intervyusida.
