Chempionlar ligasidagi uchta o‘yinning barchasida faqat ikkita klub g‘alaba qozongan - ikkalasi ham Angliya vakili.

Uch turdan so‘ng turnirning umumiy bosqichi jadvalida «Aston Villa» va «Liverpul» peshqadam – 9 ochkodan bor.

Kuchli sakkizlikdan, shuningdek, «Manchester Siti», «Monako», «Brest», «Bayer», «Inter» va «Sporting» o‘rin egallagan – bu jamoalar 7 ochkodan jamg‘argan.

Dastlabki sakkizta jamoa Chempionlar ligasining 1/8 finaliga to‘g‘ridan-to‘g‘ri yo‘l oladi. 9-24-o‘rinlarni egallagan klublar pley-off o‘yinlarini o‘tkazadi, qolganlari esa musobaqadan chiqarib yuboriladi.