Superog‘ir vaznda uchta asosiy yo‘nalish chempioni ukrainalik Aleksandr Usik hamda britaniyalik Tayson Fyuri o‘rtasidagi revansh jangi 21 dekabr kuni Saudiya Arabistoni poytaxti Ar-Riyod shahrida bo‘lib o‘tadi.
Kecha bokschilar face to face marosimida yuzma-yuz kelishdi va har doimgidek Fyuri o‘z hazili bilan barchaga tabassum ulashdi.
Bu bokschilar o‘rtasida kechgan ilk jang 18 may kuni aynan Ar-Riyodda o‘tkazilib, unda ukrainalik bokschi ochkolar hisobiga ko‘ra g‘alaba qozongan hamda multaq jahon chempioniga aylangan edi. To‘qqizinchi raundda Usik raqibini nokdaun holatiga ham tushirib qo‘ygandi.
