"Tottenxem"ning sobiq bosh murabbiyi Tim Shervud Trent Aleksandr-Arnoldning "Liverpul"dagi kelajagi haqidagi fikrlari bilan o‘rtoqlashdi.
26 yoshli o‘ng qanot himoyachisining "qizillar" bilan shartnomasi joriy mavsum yakunlanganidan keyin nihoyasiga yetadi. Xabaringiz bor, Madridning "Real" klubi yulduz ingliz futbolchisini o‘z safiga jalb etish niyatida.
"Menimcha, Trent ketadi. U "Liverpul" bilan hamma narsani yutdi, hozir "Real" uni chorlayapti... U "Liverpul"da ajoyib edi, lekin hozir men ularni ushlab qolish uchun hech qanday imkoniyat yo‘qligini aytardim", - deya Shervuddan iqtibos keltiradi Goal.
