Madridning «Real» klubi sobiq hujumchisi, hozirda jamoasiz qolgan Mariano Dias faoliyatini Ispaniya ikkinchi divizionida davom ettirishi mumkin. Bu haqda "Todofichajes" portali sahifalarida xabar berildi.
Manbaga ko‘ra, 31 yoshli hujumchi «Tenerife»ning qiziqish doirasiga tushib qolgan. Jamoa hozirda Segunda turnir jadvalida oxirgi o‘rinni egallab turibdi. Klub Diasning transferi klubga turnirdagi mavqeini yaxshilashga yordam berishiga umid qilmoqda.
O‘tgan mavsumda Mariano «Sevilya» sharafini himoya qildi. Hujumchi Ispaniya La ligasida 9 ta o‘yinda qatnashib, birorta samarali harakat amalga oshirmagan.
