Superligada 22-tur o‘yinlari start oldi. "Metallurg" klubi bu tur safarda "Navbahor"ga qarshi bahs olib bordi va 0:1 hisobida yengildi. Bellashuvdan so‘ng jamoa bosh murabbiyi Grigoriy Kolosovskiy matbuot anjumanida ishtirok etdi.

Chetlatish ta’sir qildi. Raqib ehtiyotkor o‘ynadi. Yo‘q joydan gol o‘tkazib yubordik. Navbahor futbolchilariga bugungi g‘alaba ko‘proq kerak edi. Ularni tabriklayman. Mahorat o‘z so‘zini aytdi.

"Navbahor" bir kishi kam bo‘lib qolganda ham taktikani o‘zgartirmadingiz?

Ustunlik raqibda emas edi. Biz keskinlik yaratdik, ammo vaziyatlarni zarbaga qadar olib bora olmadik. O‘ylashimcha, durang adolatli natija bo‘lar edi. Natija o‘yinga mos. Zaxiradan tushgan futbolchilar o‘yinni o‘zgartira olmadi.

Bugun "Metallurg"ning qaysi zonadagi o‘yinidan qoniqmadingiz?

Birinchi navbatda hujum chizig‘idan. Bugun ular o‘z darajasidan pastroq harakat qilishdi. Juda ko‘p standart vaziyatlarga ega bo‘ldik, ammo hech narsa o‘xshamadi. O‘zgartirishga harakat qildik, ammo besamar ketdi.

"Metallurg"ning Superligada qolishiga ishonasizmi?

Albatta, oxirigacha kurshamiz. "Lokomotiv" bizga sovg‘alar qilmoqda. Bundan foydalanishga intilamiz. So‘nggi turga qadar jang qilamiz. Agar, bugun 3 ochko olganimizda, hammasi o‘z qo‘limizda bo‘lar edi. Afsus.