Superligada 22-tur bahslari davom ettirildi. «Olimpik» jamoasi bu tur safarda «Andijon»ga qarshi bahs olib bordi va 0:1 hisobida imkoniyatni boy berdi. Bellashuvdan so‘ng jamoa bosh murabbiyi Denis Korostichenko matbuot anjumanida ishtirok etdi.

— Birinchi navbatda jamoamga bugungi mehnati uchun tashakkur bildiraman. Yigitlar qo‘ldan kelgancha harakat qilishdi. Ayrim futbolchilarimiz birinchi marotaba bunday atmosfera va bosimda to‘p tepishdi. «Andijon»ni g‘alaba bilan tabriklayman. Vaziyatlarimizdan foydalana olmadik.

— «Olimpik» standartlarga tayyorgarlik ko‘rganmidi?

— Bu Superligadagi standartlarni eng yaxshi ijro etadigan jamoa. Bugun ularga qarshi munosib himoyalandik va deyarli standartlarda zararsizlantirishni uddaladik.

— «Olimpik» «Andijon»ni mehmonda yuta olmayapti?!

— Bu yerda o‘ynash oson emas. Ishqibozlar o‘zgacha atmosferani yuzaga keltiradi. «Olimpik», bu yerda tajriba evaziga birinchi raqamda harakat qilish imkoniyatiga ega emas. «Andijon» futbolchilari tajribaliroq va kuchliroq. Shu bois ham bu yerda g‘alaba qozona olmaganmiz. Bunday tribunadagi ishqibozlar uchun yanada hujumkor futbol ko‘rsatish kerak.