Superligada 22-tur bahslari davom etdi. "Andijon" jamoasi bu tur o‘z maydonida "Olimpik" klubini qabul qildi va 1:0 hisobida g‘alaba qozondi. Bellashuvdan so‘ng jamoa bosh murabbiyi Aleksandr Xomyakov matbuot anjumanida ishtirok etdi.

— Juda ham asabiy o‘yin. Jamoalar elitada qolish uchun kurashmoqda. Biz bellashuvning katta qismida ustunlik qildik. Muhim ochko ishlaganimizdan xursandman. Yigitlarga ishtiyoq uchun tashakkur.

— Kubokdagi g‘alabadan so‘ng jamoaning o‘yini yaxshilandi. Bu taktikani to‘g‘ri tanlangani bilan bog‘liqmi?

— Kubokdagi g‘alaba yoqimli, ammo hayot davom etadi. Yana bir bor aytaman. Maydonda futbolchilar harakat qilmoqda. Ularga tashakkur bildiraman.

— Ikki xil bo‘lim ko‘rdik. Sababi nima?

— Raqib barchasini o‘zgartirgan edi. Avvalgidan farqli o‘laroq, "Olimpik" himoyadan harakat qildi. Biz ularning mudofaa chizig‘ini yorib o‘ta olmadik. Shoshildik, xato qildik. Raqib chuqur himoyalanayotganda hujum qilish qiyin. Ikkinchi bo‘limda agressivlik qo‘shdik.