Erik ten Xag "Manchester Yunayted" bosh murabbiyi sifatida o‘tkazgan o‘yinlarining 54,7 foizida g‘alaba qozongan.
Bugun klub niderlandiyalik mutaxassisning istefosi haqida rasman elon qildi.
Umuman olganda, Ten Xag murabbiy sifatida "Manchester Yunayted" bilan barcha turnirlarda 128 ta o‘yin o‘tkazgan. Shundan jamoa hisobida 70 g‘alaba, 35 mag‘lubiyat va 23 durang qayd etilgan.
Bu Ser Aleks Fergyuson ketganidan keyin klub menejerlari o‘rtasidagi ikkinchi eng yaxshi natijadir. Joze Mourinyo eng yaxshi g‘alabalar foiziga ega - 58,3%. Uchinchi o‘rinda 54,2 foiz bilan Ole-Gunnar Sulsher, uchinchi o‘rinda Devid Moyes (52,9 foiz) va Lui van Gal (52,4 foiz).
Biroq, Opta ma’lumotlariga ko‘ra, faqat Devid Moyes "Manchester Yunayted" bosh murabbiyi sifatida APL o‘yinlarida Erik ten Xagdan ko‘ra ko‘proq mag‘lub bo‘lgan. Shotlandiyalik 34 uchrashuvda 11 ta mag‘lubiyat (32,4%), niderlandiyalik 85 uchrashuvda 27 ta mag‘lubiyat (31,8%) qayd etgan.
