Uch kun davom etadigan musobaqada O‘zbekiston terma jamoasining uch nafar a’zosi ishtirok etishi haqida xabar bergandik.

Turnirning ilk kuni doirasida yunon-rim kurashi ustalari — Abdullo Aliyev (72 kg) hamda Jalgasbay Berdimuratov (82 kg) gilamga chiqdi.

Aliyev saralash bosqichida qirg‘izistonlik Iriskeldi Xamzayevni 2:1, nimchorak finalda moldovalik Mixay Petichni 7:2 hisobida mag‘lubiyatga uchratdi.

Chorak finalda esa Abdullo Fransiya vakili Ibrahim Mahmud Ganemga 0:6 hisobida imkoniyatni boy berdi.

Jalgasbay Berdimuratov esa saralashda armanistonlik Karen Xachatryanni 6:0, nimchorak finalda qozog‘istonlik Yevgeniy Polivadovni 9:0 hisobida dog‘da qoldirdi. Vengriya vakili Erik Szilvassiga qarshi chorak final bahsida esa hamyurtimizga omad yetishmadi — 1:6.

Endilikda ularning raqiblari finalga yo‘l olgan taqdirdagina vakillarimiz o‘tish bosqichida ishtirok etish huquqini qo‘lga kiritadi.

Ma’lumot o‘rnida, musobaqaning erkin kurash bahslarida 79 kg vaznli Mirzo Hayitov O‘zbekiston sharafini himoya qiladi.