"Real Madrid" "Manchester Siti" yarim himoyachisi Rodrining ovoz berishda g‘alaba qozonishi mumkinligini bilgach, "Oltin to‘p"ni topshirish marosimiga borishdan bosh tortdi.

EFE nashri xabariga ko‘ra, mukofot tashkilotchilari "Real"ning pozisiyasini tushunarsiz deb hisoblamoqda. Tashkilotchilarning ta’kidlashicha, "Oltin to‘p" sohibi o‘zining g‘alabasi haqida marosim boshlanmaguncha bilmaydi.

Avvalroq, "Real" Rodrining g‘alabasi haqidagi ma’lumotni "Manchester Siti"dan bilib olgani haqida ma’lumot paydo bo‘lgandi. Bu ma’lumotlar qanchalik to‘g‘ri ekanligini aytish qiyin.