Superligada 22-tur bahslari davom ettirildi. "Neftchi" jamoasi bu tur safarda OKMK klubiga qarshi bahs olib bordi va 2:1 hisobida g‘alaba qozondi. Bellashuvdan so‘ng jamoa bosh murabbiyi Vitaliy Levchenko matbuot anjumanida ishtirok etdi.
Bugun juda yaxshi o‘yin ko‘rdik. Dinamika, temp va intensivlik yuqori bo‘ldi. Bir jamoa yaxshi himoyalandi, ikkinchisi yaxshi hujum uyushtirdi. Men ijobiy natija qayd etganimdan xursandman. Sababi, avvalgi o‘yinlarda yoqimsiz seriya kuzatilayotgan edi. Bugun yigitlar xarakater ko‘rsatib g‘alabani ushlab qolishdi. Bu yerdan 3 ochko bilan qaytayotganimizdan xursandman.
Bugungi bahs oldidan tarkibda o‘zgarishlar qildingiz. Bugun jamoaning o‘yinidan qoniqdingizmi?
Albatta, doim qandaydir nyuanslar bo‘ladi. Qilishimizni istamagan xatolarimiz bor. Futbolchilar va chiziqlar o‘rtasidagi bog‘lamlar yaxshi ishlashini istardik.
Bugun "Neftchi" 500-g‘alabasini qo‘lga kiritdi. Buni kimga bag‘ishlaysiz?
Birinchi navbatda muxlislarga. Natijalarimiz ularni xafa qilgani rost. Mavsum boshida bizdan ko‘proq narsa kutishgan edi.
