“Kristal Pelas” hujumchisi Jan-Filipp Mateta faoliyatini “Liverpul”da davom ettirishi mumkin. Fransiyalik futbolchining "burgutlar" bilan shartnomasi 2026 yilning yozida tugaydi, shu bois joriy mavsum yakunlangach, futbolchi arzonlashtirilgan narxda sotilishi mumkin.

Fichajes xabar berishicha, "Liverpul" kelasi yozda hujumchi uchun kurash olib borishni rejalashtirgan holda, vaziyatdan unumli foydalanish niyatida.

Jan-Filip Mateta joriy Angliya Premyer-ligasida 9 ta o‘yinda 3 ta gol urdi. Transfermarkt portali ekspertlarining fikricha, 27 yoshli futbolchining narxi 20 million yevroni tashkil qiladi.