"Manchester Yunayted"ning bo‘lajak bosh murabbiyi Ruben Amorim yangi chaqiruvni intiqlik bilan kutmoqda. Portugaliyalik mutaxassis tez orada Lissabonning “Sporting” klubi bilan xayrlashadi va “qizil iblislar” bilan shartnoma imzolaydi.

Angliya grandi 39 yoshli murabbiy uchun taxminan 10 million yevro tovon puli to‘laydi. Insayder Fabrisio Romano ta’kidlaganidek, muvaffaqiyatli boshqaruvchi mavsum davomida ish joyini o‘zgartirishga rozi bo‘ldi, chunki u "Manchester Yunayted" loyihasidan juda qoyil qolgan edi.

Amorimga rahbariyatning qarashlari, klubning o‘zi va mamlakat yoqadi. U o‘zini Premer-ligada sinab ko‘rishni istaydi.