"Манчестер Юнайтед"нинг бўлажак бош мураббийи Рубен Аморим янги чақирувни интиқлик билан кутмоқда. Португалиялик мутахассис тез орада Лиссабоннинг “Спортинг” клуби билан хайрлашади ва “қизил иблислар” билан шартнома имзолайди.
Англия гранди 39 ёшли мураббий учун тахминан 10 миллион евро товон пули тўлайди. Инсайдер Фабрицио Романо таъкидлаганидек, муваффақиятли бошқарувчи мавсум давомида иш жойини ўзгартиришга рози бўлди, чунки у "Манчестер Юнайтед" лойиҳасидан жуда қойил қолган эди.
Аморимга раҳбариятнинг қарашлари, клубнинг ўзи ва мамлакат ёқади. У ўзини Премер-лигада синаб кўришни истайди.
