"Fiorentina" darvozaboni David de Xea o‘zining faoliyatini Italiyada ajoyib tarzda qayta tikladi.

Payshanba kuni "binafsharanglilar" minimal hisobda "Jenoa"ni mehmonda mag‘lub etishdi va ispaniyalik uchrashuv qahramonlaridan biriga aylandi – u to‘rtta zarbani qaytarib, darvoza daxlsizligini saqlab qolishga yordam berdi. WhoScored ma’lumotlariga ko‘ra, De Xea Yevropaning kuchli beshlik ligalaridagi barcha darvozabonlar orasida eng yaxshi o‘rtacha reytingga ega - 7,47. Bundan tashqari, bu joriy mavsumdagi barcha A Seriya futbolchilari orasida beshinchi eng yuqori ko‘rsatkichdir.

Eslatib o‘tamiz, David de Xea "Manchester Yunayted"dan ketganidan keyin bir yildan ko‘proq vaqt davomida klub topa olmadi. 33 yoshli darvozabon avgust oyida "Fiorentina"ga ko‘chib o‘tdi.