"Inter Mayami" bosh murabbiyi Xerardo Martino Neymarning o‘z jamoasiga kelishi mumkinligini inkor etmayapti.

Braziliyalik yulduz Saudiya Arabistonining "Al-Hilol" jamoasida o‘ynaydi, ammo mish-mishlarga ko‘ra, u tez orada Lionel Messi va Luis Suares bilan "Inter Mayami"da uchrashishi mumkin.

"Buning ehtimoli bor, ammo transferni amalga oshirish uchun MLSga murojaat qilishimiz kerak. Liga qoidalarni yanada moslashuvchan qilmasa, bu qanday ishlashini tasavvur qila olmayman.

Ayni paytda ismlarni muhokama qilish uchun vaqt yo‘q.

Bunday narsa haqida gapirish uchun sizga aniq sabablar kerak", - deya Martinoning so‘zlarini keltiradi Inter Miami News Hub.