"Интер Майами" бош мураббийи Херардо Мартино Неймарнинг ўз жамоасига келиши мумкинлигини инкор этмаяпти.
Бразилиялик юлдуз Саудия Арабистонининг "Ал-Ҳилол" жамоасида ўйнайди, аммо миш-мишларга кўра, у тез орада Лионель Месси ва Луис Суарес билан "Интер Майами"да учрашиши мумкин.
"Бунинг эҳтимоли бор, аммо трансферни амалга ошириш учун МЛСга мурожаат қилишимиз керак. Лига қоидаларни янада мослашувчан қилмаса, бу қандай ишлашини тасаввур қила олмайман.
Айни пайтда исмларни муҳокама қилиш учун вақт йўқ.
Бундай нарса ҳақида гапириш учун сизга аниқ сабаблар керак", - дея Мартинонинг сўзларини келтиради Inter Miami News Hub.
