"Barselona" markaziy himoyachisi Inigo Martines jamoaning Xans-Diter Flike davridagi o‘yin uslubi haqida fikr bildirdi.
"Raqiblar ko‘pincha ofsaydga tushib qolishdan qochishga qiynalishadi - buni so‘nggi o‘yinda ko‘rdik. Albatta, oldingizda tez hujumchilar bo‘lib, orqangizda darvozagacha 50 metr qolganda, bu oson emas. Biroq, biz o‘nta holatning to‘qqiztasida ularni ofsaydga tushishga majbur qila olishimizga ishonamiz. Bu xavfli usul, ammo hozircha hammasi yaxshi ketmoqda va biz shu yo‘nalishda davom etamiz," - deya Martinesning so‘zlarini Ispaniya ommaviy axborot vositalari keltirmoqda.
