"Барселона" марказий ҳимоячиси Иньиго Мартинес жамоанинг Ханс-Дитер Флике давридаги ўйин услуби ҳақида фикр билдирди.
"Рақиблар кўпинча офсайдга тушиб қолишдан қочишга қийналишади - буни сўнгги ўйинда кўрдик. Албатта, олдингизда тез ҳужумчилар бўлиб, орқангизда дарвозагача 50 метр қолганда, бу осон эмас. Бироқ, биз ўнта ҳолатнинг тўққизтасида уларни офсайдга тушишга мажбур қила олишимизга ишонамиз. Бу хавфли усул, аммо ҳозирча ҳаммаси яхши кетмоқда ва биз шу йўналишда давом этамиз," - дея Мартинеснинг сўзларини Испания оммавий ахборот воситалари келтирмоқда.
