AQSHning Nevada shtati Las-Vegas shahrida professional boks turniri oqshomning co-maint-event jangi yakunlandi. Unda ikkinchi o‘rta vazn toifasidagi professional bokschimiz Bektemir Meliqo‘ziyev (15-1, 10 KO) amerikalik Devid Stivens (14-2, 10 KO)ga qarshi chempionlik kamari uchun saralash jangini o‘tkazdi.
O‘n ikki raund to‘liq davom etgan murosasiz jangda Meliqo‘ziyev hakamlarning ayri qarori bilan ochkolar hisobiga ko‘ra g‘alaba qozondi hamda ikkinchi o‘rta vazn toifasida WBA chempionlik kamari uchun rasmiy va majburiy da’vogarga aylandi.
Jangdan oldin har ikkala bokschi ham bir xil ko‘rsatkichga ega edi. Ya’ni, 14 tadan g‘alaba va 1 ta mag‘lubiyat. Bugun Bektemir faoliyatidagi 15-g‘alabasini qo‘lga kiritdi. Stivens esa aksincha ikkinchi mag‘lubiyatini qabul qilib oldi. Meliqo‘ziyevning burchagida aka-uka Diaslar bilan birga yana bir bokschimiz Botir Ahmedovni ham ko‘rish mumkin edi.
