«Valyadolid»da ijara asosida o‘ynayotgan «Arsenal» darvozaboni Karl Xeyn yozgi transfer oynasida jamoasini o‘zgartirishi mumkin.

"Football Insider" xabariga ko‘ra, ikkinchi darvozabon pozisiyasini mustahkamlashga umid qilayotgan «Tottenxem» estoniyalik futbolchining xizmatlariga qiziqish bildirmoqda. Qayd etilishicha, Xeynning «Arsenal» bilan shartnomasi mavsum oxirida tugaydi, demak u qishda yangi klubi bilan muzokara olib borishi mumkin.

Ispaniya chempionatining joriy mavsumida estoniyalik futbolchi «Valyadolid» safida 12 ta o‘yinda maydonga tushdi va shulardan uchtasida o‘z darvozasi daxlsizligini saqlab qoldi. Darvozabonning transfer narxi atigi uch million yevroga baholanmoqda.