«Manchester Siti» bosh murabbiyi Pep Gvardiola himoyachi Kayl Uokerning holati haqida o‘z fikrlari bilan o‘rtoqlashdi.

Shanba kuni 34 yoshli futbolchi kasallikdan so‘ng maydonga qaytdi va «Bornmut»ga qarshi butun o‘yinni maydonda o‘tkazdi (1:2 mag‘lubiyat).

«Shaharliklar» bosh murabbiyi joriy mavsum davomida Uoker jamoa bilan bor-yo‘g‘i 4-5 marta mashg‘ulot o‘tkazganini tan oldi. Shu bilan birga, ispaniyalikning so‘zlariga ko‘ra, bu futbolchi uchun muhim emas: «U mashg‘ulotsiz o‘ynay oladi, chunki u ajoyib jismoniy xususiyatlarga ega. Biroq, albatta, u o‘yin ritmiga qaytishi va konsentrasiyani saqlab turishi kerak», - deya Gvardiolaning so‘zlarini keltiradi "City Xtra".