«Манчестер Сити» бош мураббийи Пеп Гвардиола ҳимоячи Кайл Уокернинг ҳолати ҳақида ўз фикрлари билан ўртоқлашди.

Шанба куни 34 ёшли футболчи касалликдан сўнг майдонга қайтди ва «Борнмут»га қарши бутун ўйинни майдонда ўтказди (1:2 мағлубият).

«Шаҳарликлар» бош мураббийи жорий мавсум давомида Уокер жамоа билан бор-йўғи 4-5 марта машғулот ўтказганини тан олди. Шу билан бирга, испанияликнинг сўзларига кўра, бу футболчи учун муҳим эмас: «У машғулотсиз ўйнай олади, чунки у ажойиб жисмоний хусусиятларга эга. Бироқ, албатта, у ўйин ритмига қайтиши ва концентрацияни сақлаб туриши керак», - дея Гвардиоланинг сўзларини келтиради "City Xtra".