"Manchester Yunayted" yarim himoyachisi Brunu Fernandesh APLning 10-turidan o‘rin olgan "Chelsi" bilan o‘yindagi durangdan so‘ng (1:1) Erik ten Xagning jamoa bosh murabbiyligidan iste’foga chiqarilishi haqidagi fikrlari bilan o‘rtoqlashdi.
"Har safar murabbiyning ketishini ko‘rsangiz, aybning bir qismini bo‘yningizga olishingiz kerak, chunki jamoa unchalik yaxshi o‘ynamayapti. 15 nafar futbolchidan qutulgandan ko‘ra, murabbiydan qutulish osonroq. Men ten Xag bilan gaplashdim va undan kechirim so‘radim, uning ketganidan xafa bo‘ldim, unga yordam berishga harakat qildim. Men gol urmaganman, biz gol urmaymiz va o‘zimni mas’uliyatni his qilyapman.
Menejerning ketishi klubda hech kimga yaxshi emas", - dedi Fernandesh Sky Sports bilan suhbatda.
