Leroy Sane Premyer-ligaga qaytishi mumkin.
"Bavariya" vingeriga "Arsenal" va "Manchester Yunayted" klublari qiziqish bildirmoqda. Futbolchining ustuvor varianti - faoliyatini "Bavariya"da davom ettirish, deb xabar beradi Bild nashri.
28 yoshli futbolchi Myunxen klubi bilan shartnomani uzaytirish borasida muzokaralar olib bormoqda; hozir Sane yiliga 15 million yevro ishlab olmoqda, bonuslarni hisobga olsak, uning maoshi 20 milliongacha oshishi mumkin - futbolchi har 6 uchrashuv uchun qo‘shimcha 1 million yevro oladi.
Agar "Bavariya" bilan kelishuv muvaffaqiyatsizlikka uchrasa, Leroy "Arsenal" yoki "Manchester Yunayted"ga o‘tish haqida jiddiy o‘ylaydi. Futbolchining amaldagi shartnomasi mavsum oxirida yakuniga yetadi.
Bundesliganing joriy mavsumida nemis futbolchisi 5 ta o‘yin o‘tkazib, 1 ta gol urishga erishdi.
