"Barselona" vingeri Rafinya Dias ajoyib formada.
Chorshanba kuni bo‘lib o‘tgan va kataloniyaliklarning 5:2 hisobidagi g‘alabasi bilan yakunlangan "Srvena Zvezda"ga qarshi Chempionlar Ligasi bahsida braziliyalik futbolchi bitta gol va ikkita golli uzatmani amalga oshirdi.
Shunday qilib, Rafinya ketma-ket yettita o‘yinda samarali harakatsiz qolmadi. 27 yoshli futbolchi so‘nggi yetti uchrashuvda jamoaning 14 ta golida bevosita ishtirok etgan: 7 marta o‘zi gol urgan va 7 marta jamoadoshlariga assistentlik qilgan.
Umuman olganda, Rafinya "Barselona" safida mavsumning 16 ta o‘yinida 12 ta gol va 10 ta golli uzatmani amalga oshirdi.
