"Барселона" вингери Рафинья Диас ажойиб формада.

Чоршанба куни бўлиб ўтган ва каталонияликларнинг 5:2 ҳисобидаги ғалабаси билан якунланган "Црвена Звезда"га қарши Чемпионлар Лигаси баҳсида бразилиялик футболчи битта гол ва иккита голли узатмани амалга оширди.

Шундай қилиб, Рафинья кетма-кет еттита ўйинда самарали ҳаракатсиз қолмади. 27 ёшли футболчи сўнгги етти учрашувда жамоанинг 14 та голида бевосита иштирок этган: 7 марта ўзи гол урган ва 7 марта жамоадошларига ассистентлик қилган.

Умуман олганда, Рафинья "Барселона" сафида мавсумнинг 16 та ўйинида 12 та гол ва 10 та голли узатмани амалга оширди.