"Manchester Siti" so‘nggi uchta o‘yinda mag‘lub bo‘ldi: Liga kubogida "Tottenxem" (1:2), APLda "Bornmut" (1:2) va Chempionlar ligasida "Sporting"ga (1:4). Jamoa bosh murabbiyi Pep Gvardiola bu natijalar haqida fikr bildirdi.
"Biz “Bornmut”ga qarshi o‘yinda unchalik yaxshi o‘ynamadik, ammo boshqa o‘yinlarda biz yaxshi o‘ynadik. Keling, keyin nima bo‘lishini ko‘ramiz. Futbolchilarimiz mag‘lubiyatga o‘rganmagan.
Ammo bu turli musobaqalar edi. Biz nima uchun muammoga duch kelganimizni bilamiz, ammo keyingi o‘yinni intiqlik bilan kutamiz. Men bu o‘yinchilarni to‘qqiz yildan beri bilaman va ular nimalarga qodir ekanliklarini ko‘p marotaba ko‘rsatishgan. Uchta mag‘lubiyat ham ular haqidagi fikrimni o‘zgartirmadi", - dedi Gvardiola jurnalistlarga.
